I 'ave a grouse by Pamela Pitter

                                            

Wait mek i ketch mi breath cause fada God know sey some social people out dey
like a fi u pickney alone fi get tek wey
a u yaad all hours a nite
a tell e sey u an u pickney nay live rite
when di real bad pickney out deh a dweet
a tun pure tricks pon back street
social people caan  fi dem mada cause dem no teeth an tongue wi meet.....an if  dem tink dem bad....mek dem try call police!

kiss mi neck mi ave a grouse 
mi waan uno stop!....call mi pickney name a court house

mi neva see no judge, fada or soaial people when mi ina laba
neva see nobady fi do mi any fava
so mi raise fi pickney pon mi own
and carless people come a trow stone...ole negga a chat pure tings
no dat mi pickney a carry di swing....till court pap a serve and social people up in mi bizniz

kiss mi neck mi ave a grouse
mi waan uno stop!...call mi pickney name a court house

judge see di school report ya
neva late neva absent
si de grades nutting unda 97 percent
so wey all dis fa...judge what's di matta
you set social people fi investigate mi
while fi dem pickney a batta batta

kiss mi neck mi ave  a grouse
mi waan uno stop!...call mi pickney name a court house

it funny but true..social people pass pickney a wipe car 
pickney a sell a market
but dem lef dem alone fi come harass decent people to di casket

fi mi pickney neva live a street
everyday dem gat food fi eat
anyting dem want i wi give
social people fi left mi mek we live

kiss mi neck mi ave a grouse 
we waan uno stop!...call mi pickney a court house

mi wok ard fi gi me pickney de best
an me know sey fad God do di rest
i cross fi hear mi name a box bout
so mi no want nobody else come draw mi out...
cause mi tired ! fi go a court house

kiss mi neck mi ave a grouse mi waan uno stop!...call mi pickney name a court house